15, నవంబర్ 2012, గురువారం

చిరునవ్వుతో



ప్రతిరోజుని ప్రభవించనీ చిరునవ్వుతో చిరునవ్వుతో
ప్రతి ఊహని బ్రతికించుకో చిరునవ్వుతో చిరునవ్వుతో
ప్రతి మనిషిని పరికించరా చిరునవ్వుతో చిరునవ్వుతో
ప్రతి రాత్రిని పవళించనీ చిరునవ్వుతో చిరునవ్వుతో

గతమన్నది గతమేనురా విలపించకు వ్యధచెందకు
విధి రాతలో కష్టాలకు  కడ యేదిరా దుఃఖించకు
తలరాతనే ఎదిరించరా చిరునవ్వుతో చిరునవ్వుతో
మున్ముందుకే అదుగేయరా చిరునవ్వుతో చిరునవ్వుతో

14, నవంబర్ 2012, బుధవారం

పంచారామాలు

                      

ఇతివృత్తం: పూర్వం తారకాసురడనే రాక్షసుడు శివుని గురించి ఘోర తపస్సు చేసి శివుని ఆత్మలింగం పొందుతాడు. వరగర్వంతో లోకాలను పీడింపగా విష్ణుమూర్తి సూచన మేర కుమారస్వామి అతనితో యుద్ధం చేసి ఆత్మ లింగాన్ని ఛేదిస్తాడు.ఆత్మలింగం ఐదు భాగాలుగా ఐదు చోట్ల పడుతుంది. అవే పంచారామాలు.
1. ద్రాక్షారామం : భీమేశ్వరస్వామి : 60 అడుగుల ఎత్తుతో సగం తెలుపు సగం నలుపులో వున్న లింగాన్ని రెండు అంతస్తుల నుండీ పూజిస్తారు . ఇక్కడ దక్షప్రజాపతి యగ్నం చేయటం వలన ఈ ప్రదేశానికి ఆ పేరు వచ్చినదంటారు.


2.అమరారామం :అమరేశ్వరస్వామి : కృష్ణా నదీ తీరన ఉన్న ఇక్కడి శివలింగం ఇంద్రునిచే ( అమరేశ్వరుడు) ప్రతిష్టింపబడినది. 

3.క్షీరారామం : .క్షీరారామలింగేశ్వరస్వామి : పాలకొల్లులో సీతారాములచే ప్రతిష్టింపబడినది. ఇచట శివుడి బాణం భూమిని తాకగానే పాలధార వచ్చినదట.



4.సోమారామము : సోమేశ్వరస్వామి :భీమవరంలో  చంద్రునిచే ప్రతిష్టింపబడినది. పౌర్ణమి  నాడు తెల్లగా ఉండే లింగం అమావాస్య నాటికి గోధుమ వర్ణంలోకి మారుతుంది .

5.కుమార భీమారామం : కాలభైరవుడు : సామర్లకోట లోని ఈ శివలింగం సున్నపురాయితో  చేయబడినది.

12, నవంబర్ 2012, సోమవారం

ఒక్కడున్నాడు



|అ|అడుగడునా.... పడిపొయినా......
ఆపే వీల్లేదే పరుగు ...కోరిన తీరాన్నే చేరుకునేవరకు

|ఆ| ఓ నిమిషమైనా.. నిదురపోవా... నిలవనీవే నిరీక్షణమా
|అ| నే వెతుకుతున్నా... ఎదుట పడవే... తొలి వెలుగు తీరమా

|ఆ|అడుగడుగునా.... ప్రతి మలుపునా....
రోజూ నా వెంటే పడకు... విడవని పంతముగా నా ప్రాణం తినకు..


|ఆ| నీ కలలవెంటే... కదలమంటే... కుదురుతుందా అయోమయమా
|అ| నా దిగులుమంటే.. తగులుతుంటే.. రగలవే కాలమా

3, నవంబర్ 2012, శనివారం

కృష్ణం వందే జగద్గురుం

                                    కృష్ణం వందే జగద్గురుం




జరుగుతున్నది జగన్నాటకం జరుగుతున్నది జగన్నాటకం
పురాతనపు పురాణ వర్ణన పైకి కనపడుతున్న కథనం
నిత్య జీవన సత్యమని భాగవత లీలల అంతరార్ధం
జరుగుతున్నది జగన్నాటకం జరుగుతున్నది జగన్నాటకం

మత్స్యావతారము :
------------------
చెలియలి కట్టను తెంచుకుని  విలయము విజృంభించునని
ధర్మ మూలమే మరచిన జగతిని యుగాంతము ఎదురై ముంచునని
సత్యవ్రతునకి సాక్షాత్కరించి సృష్ఠి రక్షణకు చెయూతనిచ్చి
నావగ త్రోవను చూపిన మత్స్యం కాలగతిని సవరించిన సాక్ష్యం

కూర్మావతారము:
--------------------
చేయదలచిన మహత్కార్యము మోయజాలని భారమైతే
పొందగోరినదందలేని నిరాశలొ అణగారిపోతే
బుసలుకొట్టే అసహనపు నిట్టూర్పు సెగలకు నీరసించక
ఓటమిని ఓడించగలిగిన ఓరిమే కూర్మమన్నది
----క్షీరసాగర మధన మర్మం-----

వరాహవతారము:
-------------------
ఉనికిని నిలిపే ఇలను కడలిలొ కలుపగ ఉరికే ఉన్మాదమ్మును
తరాల దంష్టృల కుళ్ళగించి ఈ ధరాతలమ్ముని ఉద్ధరించగల
ధీరోద్ధతి  రణ హుంకారం ఆది వరాహపు ఆకారం

నృసింహావతారము:
-------------------
హిరణ్యకశిపుడు||
ఏడి ఎక్కడరా నీ హరి?
దాక్కున్నాడేరా భయపడి?
బయటకి రమ్మనరా ఎదుటపడి
నన్ను గెలవగలడా తలపడి?

ఫ్రహ్లాదుడు||
నువు నిలిచిన ఈ నేలను అడుగు---భూమి
నాడుల జీవ జలమ్మును అడుగు-----నీరు
నీ నెత్తుటి వెచ్చదనాన్ని అడుగు---నిప్పు
నీ ఊపిరిలో గాలిని అడుగు--------గాలి
నీ అణువుల ఆకాశన్నడుగు--------ఆకాశం
నీలో నరుని హరిని కలుపు
నీవే నరహరివని నువు తెలుపు

వామనావతరము:
-----------------
అమేయ అనోహ్య అనంత విశ్వం ఆ బ్రహ్మండపు సూక్ష్మ స్వరూపం ఈ మానుష రూపం
కుబ్జ్యాకృతిగా బుద్ధిని భ్రమింప చెసే అల్ప ప్రమాణం
ముజ్జగాలను ముడడుగులతో కొలిచే త్రైవిక్రమ విస్తరణం

జరుగుతున్నది జగన్నాటకం జగజగజగ జగన్నాటకం
జరుగుతున్నది జగన్నాటకం జగజగజగమే నాటకం

పరశురమావతారము:
---------------------
పాపము తరువై పుడమికి బరువై పెరిగిన ధర్మ అఙానిని పెరుకగ
పరశురాముడై భయద భీముడై పరశురాముడై భయద భీముడై
ధర్మాగ్రహ విగ్రహుడై నిలచిన సౌత్రియ క్షత్రియ తత్వమే భర్గవుడు

రామావతారము:
-----------------
ఏ మహిమలు లేక ఏ మాయలు లేక నమ్మశక్యము కాని ఏ మర్మము లేక
మనిషిగానే పుట్టి మనిషిగానే బ్రతికి మహిత చరితగ మహిని మిగలగలిగే మనికి
సాధ్యమేనని పరంధాముడే రాముడై ఇల లోన నిలచే 

కృష్ణావతారము:
-------------------
ఇన్ని రీతులుగా ఇన్నిన్ని పాత్రలుగా
నిన్ను నీకే నూత్న పరిచితునిగా
దర్సింపజేయగల ఙాన దర్పణము
కృష్ణావతారమే సృష్ఠ్యావరన తరణము

అణిమగా మహిమగా గరిమగా లఘిమగా ప్రాప్తిగా ప్రాకమ్యవర్తిగా ఈసత్వముగా వసిత్వమ్ముగా
నీలోని అష్టసిద్ధులు నీకు తంబట్టగా స్వస్వరూపమే విశ్వరూపమ్ముగా
నురుని లోపలి పరుని పై దృష్టి పరుపగా
తలవంచి కైమొడ్చు శిష్యుడవు నీవైతే
నీ ఆర్తి కడతేర్చు అచర్యుడవు నీవే

వందే కృష్ణం జగద్గురుం వందే కృష్ణం జగద్గురుం
కృష్ణం వందే జగద్గురుం కృష్ణం వందే జగద్గురుం
వందే కృష్ణం జగద్గురుం వందే కృష్ణం జగద్గురుం
కృష్ణం వందే జగద్గురుం కృష్ణం వందే జగద్గురుం